وكل ما أمسك القلم تحاصرني جيوش من الأحزان
يمكن تقول طبعي النكد بس الأكاده ان أنا
طول عمري عايشه في غفوتي
سارحة هيمانه حالمه
فاكرة الحياة دي طيبه وصديقة صافيه قريبه
ولجل القسمة وحكم القدر
سمعت في النشرة الخبر
و بعدها وقعت في أيدي نشرة ال............
لا مؤاخذة جرنال..بس مش أي جرنال
جرنال الحكومه بيقول: كله تمام كله عال العال
لحد هنا مفيش مشكله .ممكن أقول كلام الحب والأحلام
بس قلبت على محطة غير محطة كله تمام
متذاعة من نفس البلد بس الخبر غير الخبر
مع انه والله نفس الخبر
عندنا بيقول تمام وعندنا برده بيقول على الدنيا السلام
عجز القلم عن الغرام
وقال كلام غير الكلام
قال ليه الوجع والكذب والإمتهان من غير سبب لكرامة الإنسان
شيماء أحمد
ليست هناك تعليقات:
إرسال تعليق